गाडी नपाउँदा सुत्केरी किशोरीको बाटैमा मृ,त्यु

---

प्रसुती भएपछि अत्यधिक रक्तस्राव हुँदा पाँचथरमा एक जना किशोरीको ज्यान गएको छ । जिल्लाको कुम्मायक गाउँपालिका –२

मङ्जावुङकी मनिषा आचार्यको बुधबार साँझ ज्यान गएको हो ।उपस्वास्थ्य चौकी मङ्जावुङका प्रमूख सचिन्द्र मेहताका अनुसार आचार्यलाई सुत्केरी व्यथा

लागेपछि हिजो बुधबार विहान १० बजे स्वास्थ्य संस्था ल्याइएको थियो ।‘भर्ना गरिएको दुई घण्टापछि उहाँको नर्मल डेलिभरी भएको थियो । केहिबेरपछि

रक्तस्राव सुरु भएर औषधी दिएपछि ठिक भयो’ उहाँले भन्नुभयो । साँझ ४ बजे अचानक बेहोस भएपछि थप उपचारका लागि जिल्ला अस्पताल फिदिम

लैजानेक्रममा उहाँको निधन भएको महताले बताउनुभयो ।बेहोस भएपछि तत्काल जिल्ला अस्पताल पठाउने गाडी नभेट्दा पनि उहाँको थप उपचारमा ढिलाइ

भएको मेहताको भनाइ छ । साँझ ९ बजे जिल्ला अस्पताल ल्याइ पु¥याउँदा चिकित्सकले उहाँलाई मृत घोषणा गरेका थिए ।उहाँले जन्माएको बच्चाको स्वास्थ्य

अवस्था सामान्य रहेको चिकित्सकको भनाइ छ । सुत्केरीपछि हुने अत्यधिक रक्तस्रावका कारण उहाँको नि धन भएको पाँचथर अस्पतालका डा. बुद्वीबहादुर थापाले जानकारी दिनुभयो ।