गाईघाट / उदयपुरका भाइरल साइकल राइडर सबिन कटुवाल कक्षा ५ देखि एसइइ सम्म नि:शुल्क पढ्न पाउने भएका छन् । कटुवाललाई त्रि.न.पा – ४ बगाहामा रहेको क्रिमसन एकेडेमीले छात्रवृत्ति प्रदान गरेका हुन् । आज त्रियुगा नगर प्रमुख बसन्त कुमार बस्नेतको निजी सचिवालयमा एक कार्यक्रम बीच क्रिमसन एकेडेमीका फ़ाउण्डर सुमन चौधरीले छात्रवृत्ति दिने घोषणा गरेका थिए ।
चौधरीले सबिन कटुवाल भाईले “राईट टु कोशी” कार्यक्रममा गाईघाट देखि चतरा-चतरा देखि गाईघाट सम्म ११३ लेडिज साईकलमा यात्रा पूरा गरेको साहास देखेर क्रिमसन एकेडेमी परिवारले छात्रवृत्ति दिने निर्णय गरेको बताए ।
लेडिज साइकलमा ११३ किमी राइड गरेर सबिन कटुवालले अहिले सामाजिक संजालमा निकै चर्चा कमाइरहेको त्रियुगा नगर प्रमुख बसन्त कुमार बस्नेतले बताए । चर्चा भए संगै दुई वटा राइडर साइकल उपहार आएको साथै केहि नगद रुपैया पनि सहयोग आएको प्रमुख बस्नेतले बताए । बस्नेतले सबिन कटुवाल अहिले सानै उमेरको भएको हुदा नगर प्रमुखको नाताले आफ्नै पहलमा कक्षा ५ देखि एसइइ सम्म नि:शुल्क पढ्न पाउने छात्रवृत्ति दिने निर्णय गरेको क्रिमसन एकेडेमी परिवारलाई धन्यवाद दिनु भयो ।
“साईकल चलाउ, स्वस्थ्य एवं वातावरण जोगाउ” भन्ने मुल नाराका साथ उदयपुरको पर्यटन प्रबन्धनमा सहयोगार्थ “राईट टु कोशी” कार्यक्रममा गाईघाट देखि चतरा-चतरा देखि गाईघाट सम्म लेडिज साईकलमा यात्रा पूरा गर्ने सबिन कटुवाल त्रि.न.पा-९ गैरुन स्थायी घर भएका हुन् ।
प्रतिकृया दिनुहोस्