१६ जेष्ठ २०८१, बुधबार १६:०९
गाईघाट / त्रियुगा नगरपालिकाले दुई दिन सबै बिधालयहरुलाई विदा दिएका छन् । केही दिनदेखि बढेको गर्मीका कारण पठनपाठनमा समस्या भएपछि विद्यालयहरु विदा दिएको हो । आज शिक्षा समितिले बर्षे विदा बाट मिलान हुने गरि १७ र १८ गते विदा दिएको समितिका सदस्य सुमन चौधरीले बताए । चौधरीका अनुसार अभिभाबकहरु बाट गुनासो आए पछि समितिले विदा दिने निर्णय गरिएको जनाए ।
मौसम पूर्वानुमान महाशाखाले पनि आगामी केही दिनसम्म तराईका भू–भागमा अत्यधिक गर्मीको सम्भावना रहेकाले आवश्यक सतर्कता अपनाउन अनुरोध गरेको छ । महाशाखाले ‘तातो दिन तथा तातो लहर’ सम्बन्धी सोमबार विशेष बुलेटिन प्रकाशन गर्दै आगामी तीन दिनसम्म तातो हावा तथा तातो लहरको सम्भावना रहेकाले सोको असरबाट बच्न आवश्यक तयारीसहित सतर्कता अपनाउन अनुरोध गरेको छ।
प्रतिकृया दिनुहोस्