सरकारलाई दुइतिहाइको दम्म नदेखाउन डा.शेखर कोइरालाको आग्रह

---

गाईघाट / उदयपुर सदरमुकाम गाईघाटमा नेपाली कांग्रेसका संस्थापक नेता विशेश्वर प्रसाद कोइरालाको शालिक अनावरण भएका छन् । मदन भण्डारी राजमार्ग अन्तर्गत पर्ने विपी चोकमा नेपाली काङ्ग्रेसका नेता डा. शेखर कोइरालाले आज नेपाली काङ्ग्रेस त्रियुगा नगरपालिका ११ वडा कमिटीले आयोजना गरेको कार्यक्रम बीच शालिक अनावरण गरेका हुन् ।

महाधिवेशन निर्धारित समयमा गराउन नेतृत्वलाई घचघच्याउनु पर्ने डा. शेखर कोइरालाले कार्यकर्ताहरुलाई सुझाब दिए । अहिलेको सरकारलाई दुइतिहाइको सरकार छ भनेर दम्म नदेखाउन पनि आग्रह गरे साथै संविधान संशोधन सबै दलहरुलाई साथमा लिएर मात्र गरिने कोइरालाले बताए ।

कोइरालाले आफुलाई बिरोधि पार्टीबाट कुनै डर नभएको बरु आफनै पार्टीबाट डर लागेको बताए ।कमिकजोरी गरेका छौ भने हामीलाई खबरदारी गर्नुस्, हामीले गरेको गलत काममा समयमा औंला उठाउनुस हामीलाई त्यसो गर्नु भएन भने नेतृत्वमा बस्नेहरुमा दम्भ बढेर जाने कोइरालाले बताए ।

कार्य्रक्रममा नेपाली कांग्रेसका नेता गुरुराज घिमिरे, केदार कार्की,राजिब कोइराला लगाएतका नेताहरुले सम्बोधन गरेका थिए । अर्धकदको सालिक त्रियुगा नगर प्रमुख कोषबाट करिब तिन लाखको लागतमा निर्माण सम्पन्न भएको त्रियुगा नगर प्रमुख बसन्त कुमार बस्नेतले जानकारी दिए ।