उदयपुरमा लाग्यो तिहार ! सदा झैँ यो बर्ष पनि ढकमक्क फुले सयपत्री फूल

---

गाईघाट, उदयपुरमा तिहार लागि सकेको छ । सदा बर्ष झैँ यो बर्ष पनि उदयरमा ढकमक्क सयपत्री फूलहरु फुलेका छन् । जिल्लाको कटारी ४ स्थित त्रिवेणी माविका कक्षा १२मा अध्ययनरत

विद्यार्थीहरुले व्यवसायिक सायपत्री फूल खेती गरेका छन् । भाईटीकाका लागि फूल आवश्यक पर्नेहरुले सम्पर्क गरेर सुपथ मूल्यमा खरिद गर्न सक्ने बताइएको छ ।

कस्तो स्थानमा फुल्छ सयपत्री ?सयपत्री फूल प्राय पारिलो घाम लाग्ने ठाउँमा राम्रोसँग फुल्छ । तर ती विरुवाले उच्च तापक्रम सहन सक्दैन । तसर्थ सयपत्री फूल लगाउनका लागि हालको सिजन उत्तम मानिन्छ ।

पानी नजम्ने र प्रांगारिक पदार्थ बढी हुने ठाउँमा यो राम्रोसँग फुल्छ ।यसका लागि खासै मलको प्रयोग नगर्दा पनि हुन्छ । अहिलेको सिजनमा सयपत्री फूल रोप्दा विशेषगरी असोज, कार्तिकको महिनामा

फुल्छन् भने विरुवा नमासेको खण्डमा बाह्रै महिना यी फूलहरु फुल्ने गर्छन् ।आवश्यकता पूर्ति गर्नभन्दा पनि गमलामा फूल फुलाउन चाहन्छन् मानिसहरु । तर फूलकै खेती गर्नेहरुले पनि मनग्य आम्दानी लिइरहेका छन् । फूल रोप्नु सौन्दर्यका लागि मात्रा होइन ।

यसका फाइदाहरु # सयपत्री फूलबाट सुगन्धित तेल निकाल्न सकिन्छ # प्रशस्त मात्रामा फूल फुलाउन सकेमा विदेशको आयत घटाउन सकिन्छ र निर्यात बढाउन सकिन्छ ।

# वातावरणमा सौन्दर्यता छाउँछ र पर्यटकीय क्षेत्रमा टेवा पुग्छ # सयपत्रीका फूलमा औषधीका गुणहरु हुन्छन् ।# फूलको लेप बनाएर छालामा प्रयोग गर्दा यसले छालासम्बन्धी रोग लाग्नबाट जोगाउँछ ।

# पेट फुल्ने र दुख्ने रोग भए चुर्णको मात्रामा मिलाएर औषधीको रुपमा सेवन गरेमा फाइदा हुन्छ ।# कमलपित्त, अम्लपित्त, पायल्स र पेटभित्रको आन्द्राको घाउ आदिमा चुर्णको प्रयोगले सन्चो गराउँछ ।# सयपत्री फूल मात्र पनि चुसिरहेमा स्वास्थ्यलाई फाइदा मिल्छ ।