उदयपुरका तिन साईकल यात्रीहरुलाइ अझै कति दिन लाग्छ मेची पुग्नलाई .?

---

गाईघाट, उदयपुरका तिन साईकल यात्रीहरु आज छैठो दिन नारायणघाट नजिक पुगेको छ । यात्री आङ पासाङ शेर्पाले हाम्रो टिम संग कुरा गर्दै आज दिउसोको खाना नारायणघाटमा

खाने प्लान रहेको बताउनु भएको छ । मेची महाकाली २०२२ का लागि साईकल यात्रामा निस्किएका यात्रीहरु अझै चार दिन जति मेची पुग्न लाग्ने शेर्पाले

बताउनु भयो । बिहान पाँच बजे देखि बेलुकाको आठ बजे सम्म साइकलिङ्ग गरेर दिन १३० किलो मिटर यात्रा गरेको पनि शेर्पाले बताउनु भएको हो ।

नगरपालिका ७ चुहाडेका आङ पासाङ सेर्पा, त्रिनपा ११ का अबैध नारायण चौधरी र त्रिनपा १० का कृष्ण अधिकारीलाई गाईघाट बाट विदाई गरिएको हो ।

त्रियुगा नगरपालिकाका मेयर बसन्त कुमार वस्नेत, प्रमुख प्रशासकीय अधिकृत मान वहादुर वन, त्रियुगा उद्योग बाणिज्य संघका अध्यक्ष रमेश रसाईली र उदयपुर जिल्ला साईकलिङ

संघका अध्यक्ष जितु रोईला लगायतले खादा र अबिर लगाएर विदाई गरेको हो । यात्रा माहाकाली देखी सुरु भई मेचि पुलमा आएर अन्त्य हुने जनाईएको छ । पश्चिमको माकालीको चाँदनी दोधारा बाट

सुरु गरी मेचीको मेचि पुलमा आएर यात्रा अन्त्य हुने नगर प्रमुख बस्नेतले बताउनु भयो ।विदाई गर्दै नगर प्रमुख वस्नेतले तिनै जना यात्रीहरुलाई सफल यात्राको कामना गर्नु साथै मेचीमा स्वागत गर्न तयार रहेको बताउनु भयो ।