गाईघाट / उदयपुरमा एक महिला माथी वडा अध्यक्षले दुर्व्यवहार गरेका छन । चौदण्डीगढी नगरपालिक- ९ का वडा अध्यक्ष प्रकाश राउतले स्थानीय महिला सुनिता श्रेष्ठलाई कुटपिट गरेका हुन ।
वर्षाको समयमा अवैधरुपमा ढुंगागिट्टी उत्खनन भइरहेको सूचना पाएपछि रोक्न पुगेकी श्रेष्ठलाई राउतले हातपात गरेका थिए ।स्थानीय छिडि खोलामा वडाध्यक्ष राउतको समेत संलग्नतामा गिट्टी उत्खनन गरेको पाएपछि रोक्न जाँदा हातपात र दुर्व्यवहार गरेको पीडित श्रेष्ठले बताइन् ।
वर्षाको समयमा खोलानालामा उत्खनन गर्नु गैरकानुनी हो । त्यसमाथि सामुदायिक वन क्षेत्रभित्रबाट गिट्टी निकाल्न मिल्दैन भन्दा हातपात गरे,’ उनले सुनाइन् ।
चौदण्डीगढी नगरपालिकाका प्रवक्तासमेत रहेका वडाध्यक्ष रातउले भने आफूले महिलालाई कुटपिट र दुर्व्यवहार नगरेको दाबी गरे । वडामा सडक निर्माण चलिरहेकाले गिट्टी निकाल्ने क्रममा सामान्य विवाद भएको उनको भनाइ छ ।
सामाजिक संजालमा भाइरल भएको भिडियोमा भने अध्यक्षले महिला माथी दुर्व्यवहार गरेको प्रष्ट देखिन्छ । राउतले महिलालाई के गर्छ भन्दै आफ्नो पदको दम्म देखाएको देखिन्छ ।
प्रतिकृया दिनुहोस्