गाईघाट / त्रियुाग उद्योग बाणिज्य संघ गाईघाटले व्यपारीहरुलाई डस्वीन वितरण गरेका छन् । त्रियुगा नगरपालिका वडा नं, ४, ६ र ९ का व्यापारीहरुलाई डस्वीन वितरण गरेका हुन् । बगाहा,जलजले र चुहाडेका व्यापारीहरुलाई वडाअध्यक्ष र संघका पदाधिकारीहरुले डस्वीन प्रदान गरेको संघका अध्यक्ष रमेश रसाईलीले जनाए ।
रसाईलीका अनुसार बगाहामा ६, जलजलेमा २५ र चुहाडेमा १० ओटा डस्वीन वितरण गरिएको हो । त्रियुगानगरपालिकाको सरसफाई र सुन्दर बजार परिकल्पना साकार पार्न सम्बन्धित क्षेत्रहरुमा डस्वीन वितरण गरिएको अध्यक्ष रसाईलीले बताए ।
डस्वीनले फोहोर व्यवस्थापनमा सहयोग पुग्ने र सुन्दर बजार निर्माणमा मदत पुग्ने त्रियुगानगर प्रमुख बसन्त कुमार बस्नेतले बताए । त्रियुाग उद्योग बाणिज्य संघ र त्रियुगानगरले संयुक्त रुपमा वितरण गरेको बस्नेतले बताए । साथै व्यापारीहरुको हकहितको लागि त्रियुगानगर तथा आफु सधै तयार रहेको पनि जानकारी दिए ।
डस्वीन पाएका व्यपारीहरुले सहयोगी निकायहरुलाई धन्यवाद ब्यक्त गरे । संघका उपाध्यक्ष नविन वस्नेतले बाँकी रहेको डस्वीन देउरी राजावास लगायतका व्यपारीहरुलाई प्रदान गर्ने कार्यक्रम रहेको जनाए ।
प्रतिकृया दिनुहोस्