गाईघाट/ त्रियुगा नगरपालिकाको मोतियाहीमा वृद्धाश्रम भवन बन्ने भएको छ । बेसहारा तथा अपहेलित भएका ज्येष्ठ नागरिकलाई संरक्षणका लागि वृद्धाश्रम बनाउन लागिएको हो । वृद्धाश्रमको त्रियुगा नगरपालिकाका नगरप्रमुख बसन्त बस्नेतले बुधबार एक कार्यक्रमका बीच शिलान्यास गर्नु भएको हो । राधा कृष्ण कुञ्ज बिहारी संस्थाले ८ दशक अगाडी निर्माण भएको राधाकृष्ण मन्दिरको जग्गामा बृद्धाश्रम, गौसेवा र गुरु कुलम निर्माण गर्ने भएको हो ।
शिलान्यास कार्यक्रमलाई सम्बोधन गर्दै नगर प्रमुख बस्नेतले वृद्धाश्रम निर्माण जस्तो पवित्र काममा लागेर मानवीय सेवामा समर्पित सम्पूर्णलाई धन्यबाद दिदै स्थानीय सरकारले सक्दो सहयोग गर्ने प्रतिबद्धता व्यक्त गर्नु भयो । राधा कृष्ण कुञ्ज बिहारी संस्थाको सक्रियतामा विभिन्न सहयोगदाताबाट सहयोग जुटाउँदै वृद्धाश्रम बनाउन लागिएको संस्थाका अध्यक्ष सपना बस्नेतले बताउनु भयो ।
कार्यक्रममा नगर प्रमुख सहित, पूर्व नगर उपप्रमुख देवी चौधरी, वडा अध्यक्ष घमान सिङ खत्री, राज कुमार दनुवार, राष्ट्रिय कलाकार नवल खड्का लगायतको उपस्थिति थियो।
प्रतिकृया दिनुहोस्