गाईघाटमा हुन लागेको दोस्रो प्रदेश महोत्सवको तयारी पुरा पत्रकार सम्मेलनमा अध्यक्ष रमेश रसाईलीले भने

---

गाईघाट / गाईघाटमा हुन लागेको दोस्रो प्रदेश महोत्सवको तयारी पुरा भएको छ । त्रियुगा उद्योग बाणिज्य संघ गाईघाटको आयोजनामा भोलि फागुन १ देखी १० गते सम्म बरुवा बसपार्कमा हुने महोत्सवको निर्माण कार्य पुरा भएको संघका अध्यक्ष रमेश रसाईलीले पत्रकार सम्मेलनमा बताए ।

रसाइलीले महोत्सव करिब १५० वटा स्टलहरु रहेको जसमा ५० वटा स्टलहरु स्थानिय कृषि, घरेलु तथा साना उद्यमीहरुको लागि निसुल्क उपलब्ध गराएको जनाएको छ । साथै प्रदेश महोत्सव भएको हुदा प्रदेश भरिको जिल्लाहरुबाट उधोग बाणिज्य संघहरुको सहभागी रहने रसाईलीले बताए ।

महोत्सवको प्रमुख आकर्षक भने राष्ट्रिय कलाकारका साथमा सांगीतिक मनोरञ्जनका साथै त्रियुगा नगरपालिका वडा न.११ राते डाडा बाट प्याराग्लाईडिङ उडान गरि महोत्सवको अबलोकन गराइने आयोजकले जनाए ।

साथै आयोजकले उदयपुरको पर्यटनमा टेवा पुग्ने गरि सुनकोशी नदिमा र्याफ्टिङ पनि गराइने बताए ।