आज चर्चित गायिका अधिकारी र चर्चित डान्सर पासवानको ठुम्कामा गाईघाट झुम्ने

---

गाईघाट / उदयपुरमा संचालन भईरहेको दोस्रो प्रदेश महोत्सवमा आज चर्चित गायिका अस्मिता अधिकारी आउने भएका छन् । त्रियुगा उधोग बाणिज्य संघको आयोजनामा गाईघाटको बरुवा बसपार्कमा यहि फाल्गुन १ देखि संचालन भएको महोत्सवमा आज नौ दिन अधिकारीले आफ्नो प्रस्तुति दिने भएका हुन् ।

नेपाली आइडलको दोस्रो सिजनबाट अधिकारी संगीतमा चम्किएकी हुन् । ‘साली मन प¥यो, तिम्रो घरको वरिपरि, रुमालै चिनो धोइ धोइ, माटोको सिन्दुर’ ‘ काले केटाले काले केटाले’ ‘ उता परेली झिम झिम भो ‘ लगायत उनका चर्चित गीत हुन् ।

गायिका अधिकारी संगै चर्चित भोजपुरी कलाकार डान्सर तथा टिकटकर प्रिती पासवान पनि आउने भएकी छन् । प्रिती पासवानले टिकटक, सामाजिक संजाल लगायत अन्य माध्यमबाट आफ्नो नृत्य कलालाई प्रदर्शन गरि चर्चामा आएकी हुन् । अहिले भने निकै ब्यस्त डान्सर मध्ये यक हुन् प्रिती पासवान ।