उदयपुरमा बृहत रक्तदान कार्यक्रम सम्पन्न, नगर प्रमुख बस्नेत सहित बिशिष्ठ ब्यक्तिले गरे रक्तदान

---

गाईघाट / उदयपुर जेसिज बर्ष २०२४ द्वारा आयोजित बृहत रक्तदान कार्यक्रममा सनिवार १ सय ३२ जनाले रक्तदान गरेका छ्न । शनिबार गाईघाट बजार स्थित पिपलचोकमा “हाम्रो महाभियान जिवनदानका लागि रक्तदान” भन्ने नारा सहित बृहत रक्तदान कार्यक्रममा रक्तदान गर्दै नगरप्रमुख बसन्त बस्नेतले कार्यक्रमको उद्घाटन गर्नु भएको हो ।

त्रियुगा नगरपालिका र जिल्ला अस्पताल उदयपुरको सहयोगमा भएको रक्तदान कार्यक्रममा नगर प्रमुख बस्नेत सहित जिल्लाका बिशिस्ट ब्यक्तिहरुले रक्तदान गर्नु भएको थियो । रक्तदान कार्यक्रमलाई शुभकामना दिदै नगर प्रमुख बस्नेतले रक्तदान महादान भएकोले रक्तदान गर्न सवैलाई आग्रह गर्नु भयो ।जिल्लामा रगत अभावका कारण कुनै पनि व्यक्तिले ज्यान नगुमाउन नपरोस् भनेर रक्तदान कार्यक्रम राखिएको उहाँले बताउनु भयो ।

जिल्लामा अहिले सम्म सबै भन्दा बढी ब्यक्तिले रक्तदान गरेको यो पहिलो भएको जेशिस बर्ष २०२४ का अध्यक्ष तारा बहादुर खड्काले बताए। यस अघि १ सय १२ जनाले एकै दिन रक्तदान गरेका थिए ।जेसिज उदयपुरले यस् अघि पनि विभिन्न सामाजिक कार्यक्रम गर्दै आएको छ ।