गाईघाट / उदयपुरको त्रियुगा नगरपालिकामा १९औ जितिया महोत्सव २०८१को आयोजना हुने भएको छ । यहि असोज ९ गते बुधवार त्रि.न.पा-४ बगहा जितमाहान बाबाको मन्दिर परिसरमा आयोजना हुने भएको हो । विशेष गरि थारु समुदायहरुले यो पर्व मनाउँदै आएका छन् ।
महोत्सवको उद्घाटन त्रियुगा नगर प्रमुख बसन्त बस्नेतले गर्ने थारू कल्याणकारिणी सभा त्रियुगा नगर समितिका अध्यक्ष सुमन चौधरीले बताउनु भयो । चौधरीले जितिया पर्व तीन दिन मनाइने गरिए पनि मुख्य दिन ९ गते महोत्सव आयोजना गर्न लागिएको बताए । महोत्सवका अवसरमा सूर्य भगवानका पुत्र जितमहानको उपासना गरी पारिवारिक सुख, शान्ति र समृद्धिका लागि पर्व मनाइने गरिएको अध्यक्ष चौधरीले जानकारी दिनु भयो ।
महोत्सवमा रास्ट्रीय कलाकारहरुको प्रस्तुति रहने र जितिया पर्वको प्रचार प्रसार गरी राष्ट्रिय अन्तर्राष्ट्रिय जगतमा चिनाउने, थारु संस्कृतिलाई संरक्षण र संवर्धन गर्नेलगायतका उद्देश्यले महोत्सव आयोजना गरिएको चौधरीले बताउनु भयो । साथै अध्यक्ष चौधरी जितिया महोत्सव उपस्थितिको लागि सम्पूर्ण नगरवासीलाई अनुरोध गर्नु भयो ।
प्रतिकृया दिनुहोस्