उदयपुरका थारु समुदाय एक ! माग पुरा नगरे मंसिर चारमा असर पर्ने !

---

असोज १३ / गाईघाट, नेपाल थारु संघ उदयपुर जिल्ला कार्य समितिको बैठक बसेको छ | जिल्ला सभापति डा.भोगेन्द्र प्रसाद चौधरीको अध्यक्षतामा त्रिनपा – ४ बगाहा नेपाली कांग्रेस वडा कार्यालयमा बसेको हो |

भेलाले त्रियुगा नगरपालिकाको सभापतिमा युवा नेता प्रशुराम चौधरीको नेतृत्वमा समिती गठन गरेको छ | तेस्तै वडा समितीहरु पनि गठन गर्न जिम्मा दिएको नेपाल थारु संघ उदयपुर जिल्ला कार्य समितिका सदस्य गौरी नारायण चौधरीले बताउनु भयो |

चौधरीका अनुसार आउदै गरेको संघ र प्रदेस निर्वाचनमा चौधरी समुदाय लाई नसमेटेको भन्दै दु:ख प्रकट गरे | उदयपुर क्षेत्र न.१मा कुल ६५००० मत रहेको मध्ये २१००० थारु समुदायको मत रहेको पनि चौधरीले बताउनु भयो |

जिल्ला कार्य समितीले प्रेस विज्ञप्ति निकाल्दै थारु समुदाय प्रति नेपाली कांग्रेस उदयपुरले राजनीतिक, सामाजिक विभेद गरेको भन्दै खेद प्रकट गरेको छ | विज्ञप्तिमा समानुपातिक बन्दसुची सच्चाई नाम समावेस गर्न जोडदार माग गरेको छ |

आउदै गरेको निर्वाचनमा उदयपुर क्षेत्र न.१ संघ प्रत्यक्ष डा. भोगेन्द्र प्रसाद चौधरी र प्रदेस ( ख ) प्रत्यक्ष तर्फ देबी कुमारी चौधरी बाट कुनै एकलाई टिकट दिएर जिताउन पनि विज्ञप्तिमा माग गरेको छ |